Sumarstarfsmenn hjá Dalvíkurbyggð

Dalvíkurbyggð hefur auglýst eftir tveimur sumarstarfsmönnum í upplýsingamiðstöð og á tjaldsvæði Dalvíkurbyggðar. Upplýsingamiðstöðin er staðsett í Berg menningarhúsi en tjaldsvæðið neðan við Íþróttamiðstöðina á Dalvík. Umsóknarfrestur er til 20. mars 2016.

Um er að ræða tvö störf sem eru 82,5% starfshlutfall hvort fyrir sig. Ráðningatímabilið er áætlað frá 23. maí – 9. september. Um er að ræða vaktavinnu þar sem unnið er virka daga og aðra hverja helgi og skiptist hvort starf fyrir sig á milli upplýsingamiðstöðvar og tjaldsvæðis.

Helstu verkefni:
• Upplýsingagjöf til ferðamanna
• Samskipti og samvinna við ferðaþjónustuaðila
• Upplýsingaöflun t.d. bæklingar
• Skráning gesta
• Ræsting á tjaldsvæði
• Innheimta á tjaldsvæði
• Uppgjör á tjaldsvæði
• Almennt eftirlit á tjaldsvæði

Nánari upplýsingar á dalvik.is