- Bæjarráð Fjallabyggðar hefur samþykkt að setja upp varadælu og lagfæra tæknirými við Sundlaugina á Ólafsfirði. Áætlaður kostnaður er um kr. 600.000.- og mun fjármagn verða fært af viðhaldsfé sundlaugar.
Megin ástæðan er tjón sem bæjarfélagið varð fyrir þegar tæknirými sundlaugarinnar fylltist af vatni.
- Enn er rætt um ný upplýsingaskilti í Fjallabyggð. Búið er að finna góða staðsetningu í Ólafsfirði fyrir þeirra skilti en enn er rætt um rétta staðsetningu á Siglufirði. Kortin á skiltunum verða þrenns konar:
1. Bæjarkort með upplýsingum um gistingu, afþreyingu, heilsugæslu og fleira.
2. Yfirlitskort með göngu- og útivistarmöguleikum.
3. Auglýsingaskilti fyrir þjónustuaðila innan bæjar. Áætlaður kostnaður vegna þessa er um 1.5 m.kr.
- Bæjarstjóri Fjallabyggðar hefur lagt fram tillögu um að fá Valtý Sigurðsson lögmann til að setja upp samning við Rauðku ehf. þar sem lögð er áhersla á að lokið verði sem fyrst við heildstæðan samning sbr. erindi frá Rauðku ehf. og tengdra aðila.
- Breyta þarf strax almenningssamgöngum til Siglufjarðar, en endastöð á núverandi akstri er í Ólafsfirði. Siglfirðingar vilja aukna þjónustu á akstursleiðum.