Stórt þýskt skemmtiferðaskip kemur til Siglufjarðar

Skemmtiferðaskipið MS Deutschland hefur boðað komu sína til Siglufjarðar þann 20. júlí næsta sumar.  Skipið er mjög stórt og tekur 513 farþega, en svo stór skip eru ekki algeng á Siglufirði. Skipið er 175,3 metrar á lengd og er byggt árið 1998 með heimahöfn í Þýskalandi. Skipið er þekkt fyrir að þýskur stefnumótaþáttur Das Traumschiff (Draumaskipið) var tekinn upp á skipinu.

Skipið hefur einnig boðað komu sína til Akureyrar tvisvar sinnum næsta sumar. MS Deutschland verður hluta úr degi 20. júlí og 15. ágúst 2016 við Akureyrarhöfn. 19 skip komu til Siglufjarðrar nú í sumar sem er met og þónokkur hafa þegar bókað komu sína næsta sumar.

640px-MS_Deutschland_as_seen_from_Stadersand_on_13_May_2012
“MS Deutschland við Stadersand þann 13. maí 2012” Mynd eftir Morn.