Starfsmannafélag Skagafjarðar sameinast Kili

Á aðalfundi Starfsmannafélags Skagafjarðar sem haldinn var þann 17. febrúar síðastliðinn var samþykkt að sameinast Kili stéttarfélagi starfsmanna í almannaþjónustu. Viðræður hafa staðið yfir um nokkurn tíma milli stjórna félaganna og undirrituðu þær samkomulag 23. janúar síðastliðinn þar sem sameiningin var ákveðin. Með sameiningunni verða félagsmenn Kjalar um 1000 manns og félagið eitt af fimm stærstu félögunum innan BSRB.

Félagssvæði Kjalar nær yfir Norðurland og Vesturland og var félagið stofnað árið 2004 við sameiningu nokkurra félaga á svæðinu.

Starfsmannafélag Skagafjarðar var stofnað árið 1971 og félagsmenn þess voru ríkisstarfsmenn í Skagafirði og starfsmenn hjá Sveitarfélaginu Skagafirði um 160 manns.

Frá þessu er greint á Skagafjörður.is