Starf rekstrar- og umsjónaraðila tjaldsvæða á Siglufirði laust til umsóknar

Fjallabyggð auglýsir eftir aðila/aðilum sem kunna að hafa áhuga á að taka að sér rekstur og umsjón með tjaldsvæðum Fjallabyggðar á Siglufirði. Um er að ræða tvö tjaldsvæði, í miðbæ Siglufjaðar og sunnan við snjóflóðavarnargarðinn Stóra Bola.

Sumarrekstur tjaldsvæða hefst að jafnaði 12. maí og lýkur 15. október, ef aðstæður leyfa.

Samningur er gerður til eins árs.

 

Helstu verkefni:

 

  • Verktaki er ábyrgur fyrir að halda skrá yfir fjölda gesta tjaldsvæðanna og skilar greinargerð til Fjallabyggðar á hverju hausti.
  • Gerð er krafa um sýnileika umjónaraðila með kynningu á tjaldsvæðunum.
  • Umjónaraðili skal vera í samstarfi við Fjallabyggð varðandi kynningu tjaldsvæðanna á þjónustusíðu sveitarfélagsins.
  • Gerð er krafa um að umsjónaraðili hagi rekstri sínum með þeim hætti að hann þjóni sem best breiðum hópi notenda svæðisins.
  • Á opnunartíma svæðisins er gerð krafa um að klósett séu þrifin daglega og umgjörð tjaldsvæðanna sé hin snyrtilegasta.
  • Umjónaraðili skal annast og bera ábyrgð á allri innheimtu tjaldsvæða- og gistigjalda.
  • Einnig sér umjónaraðili um að viðhaldi innandyra á þjónustuhúsum sé sinnt s.s. þrif, málun og annað létt viðhald í samstarfi við Fjallabyggð.

 

Reynsla og þekking á ferðaþjónustu og rekstri er kostur.
Umsóknir skulu berast á netfangið fjallabyggd@fjallabyggd.is. Með umsókn skal skila starfsferilskrá þar sem menntun og reynsla umsækjanda er tilgreind ásamt stuttri greinargerð um sýn á rekstur tjaldsvæðanna.

Umsóknarfrestur er til 2. maí 2018

Frekari upplýsingar veita Linda Lea Bogadóttir markaðs- og menningarfulltrúi í síma 4609100, lindalea@fjallabyggd.is eða Ríkey Sigurbjörnsdóttir deildarstjóri fræðslu-, frístunda- og menningarmála í síma 4649100, rikey@fjallabyggd.is