Starf forstöðumanns vinnuskóla Dalvíkurbyggðar

Fræðslu- og menningarsvið Dalvíkurbyggðar auglýsir laust starf forstöðumanns vinnuskóla.  Umsóknarfrestur er til og með 16. mars 2014. Starfstími er frá 1.maí – 31. ágúst 2014.

Um er að ræða nýtt starf í mikilli mótun. Dalvíkurbyggð er fjölmenningarlegt samfélag og þarf viðkomandi að vera góð fyrirmynd og sterkur leiðtogi. Gildi sviðsins eru virðing, metnaður og jákvæðni.

Menntunar- og hæfniskröfur: • Hafið sé háskólanám sem nýtist í starfi, kostur ef um uppeldismenntun er að ræða • Brennandi áhugi af störfum með ungmennum er nauðsynlegur • Reynsla af störfum með ungmennum er kostur • Góð samskiptahæfni, skipulags¬færni og eiga gott með að hafa yfirsýn • Hæfni til að stuðla að jafnræði og réttlæti í samfélaginu • Einlægur áhugi á umhverfismálum • Bílpróf • Hreint sakavottorð

Umsækjendur eru vinsamlegast beðnir að sækja um starfið á minni Dalvíkurbyggð, http://min.dalvikurbyggd.is/   Umsókn um starfið þarf að fylgja starfsferilsskrá og kynningarbréf þar sem gerð er grein fyrir ástæðu umsóknar, rökstuðningur fyrir hæfni viðkomandi í starfið og sýn á góðan vinnuskóla.

Nánari upplýsingar veitir Gísli Rúnar Gylfason (gislirunar@dalvikurbyggd.is ), íþrótta- og æskulýðsfulltrúi Dalvíkurbyggðar