Söfnuðu áheitum yfir 1 milljón fyrir skólabræður sína

Nemendur 6.-10. bekkjar í Grunnskóla Fjallabyggðar afhentu skólabræðrum sínum, þeim Sigurbirni Boga og Noah styrkupphæð sem safnaðist í áheitahlaupi ÍSÍ nú í haust. Nemendur skólans hlupu samtals 720 kílómetra og söfnuðu með áheitum 1.050.750 sem skiptist jafnt á milli þeirra félaga eða 525.375 á hvorn þeirra.

Strákarnir tóku sjálfir á móti styrkjunum ásamt sínu fólki. Nemendum var síðan boðið upp á kökusneið í þakklætisskyni fyrir framtakið.

Frá þessu var fyrst greint á vef Grunnskóla Fjallabyggðar ásamt myndum.