Slysavarnardeild kvenna í Ólafsfirði gaf veglega gjöf

Á dögunum færði Slysavarnardeild kvenna í Ólafsfirði Grunnskóla Fjallabyggðar veglega gjöf. Tvö hjartastuðtæki voru gefin til að hafa í skólahúsunum við Tjarnarstíg og Norðurgötu í Fjallabyggð. Búið er að koma tækjunum fyrir í húsunum og starfsfólk hefur fengið fræðslu um notkun þeirra. Í dag komu svo fulltrúar Slysavarnarkvenna í heimsókn til grunnskólans á Siglufirði að afhenda tækin formlega.

Það var Foreldrafélag Grunnskóla Fjallabyggðar sem leitaði til Slysavarnardeildarinnar vegna kaupa á tækjunum. Skólinn þakkar slysavarnarkonum í Ólafsfirði kærlega fyrir gjöfina sem eykur öryggi nemenda, starfsfólks og gesta skólans.

Texti og mynd: Aðsend tilkynning.