Skráning menningarerfða í Fjallabyggð

Á þessu ári fer í gang samstarfsverkefni Íslands og Noregs um skráningu menningarerfða í héraði, styrkt af Norsk-íslenska menningarsjóðnum. Á Íslandi verður verkefnið unnið í Fjallabyggð af ÞjóðList ehf. og Síldarminjasafninu. Guðrún Ingimundardóttir frá Þjóðlist kynnti verkefnið nýlega fyrir Markaðs- og menningarnefnd Fjallabyggðar.

Markmiðið með verkefninu er að:

  • Leita heppilegra leiða til að vinna með samfélögum við að skrá menningarerfðir sínar og skilgreina verkferla sem önnur samfélög geta síðan stuðst við.
  • Skrá menningarerfðir með því að nota eyðublað sem norsku samstarfsaðilarnir hafa þróað, til að rannsaka hvernig og hvort formið hentar.
  • Rannsaka með hvaða hætti er heppilegast að hafa skráninguna aðgengilega.
  • Afla upplýsinga sem hjálpa til við að þróa landslista yfir menningarerfðir.