Sýningin Sköpun og verk verður haldin í Menningarhúsinu Tjarnarborg í Ólafsfirði í dag frá kl. 13-17.
Meðal þátttakenda í ár eru Iðja – dagvist og verður hægt að fræðast um starfsemi þeirra.
Ástþór tattoo artist – Ástþór Árnason er Siglfirðingur og löngu orðinn landskunnur fyrir glæsileg Tattoo listaverk sín. Hægt að kynna sér hvað hann hefur fram að færa og spjalla við þennan frábæra listamann.
Hans Jónsson er Akureyringur sem fluttist til Ólafsfjarðar fyrir rúmlega ári. Frá barnæsku hefur hann verið með gott auga fyrir list og fallegu handverki. Teiknað, málað, unnnið með neglur og leir. Heklið byrjaði þegar hann vantaði húfu en vatt hratt upp á sig og hefur hann æ síðan verið að skapa allt frá gluggatjöldum yfir í handstúkur í næstum áratug.
