Skipta þarf um sæti í skólarútu vegna öryggiskröfu Fjallabyggðar

Hópferðabílar Akureyrar (HBA) mun sjá um skóla- og frístundaakstur í Fjallabyggð næstu þrjú árin.  Samkvæmt útboði Fjallabyggðar á skólaakstri verða sæti með þriggjafestu mjaðmar- og axlarbeltum og munu yngstu nemendur sitja á bílsessu. Samkvæmt reglugerð nr. 822/2004 um gerð og búnað ökutækja þurfa hópferðabifreiðar aðeins að vera með tveggja festu bílbeltum og eru stórar rútur í skólaakstri almennt búnar slíkum öryggisbúnaði.

Til að fyrirtækið geti uppfyllt ítarlegri öryggiskröfur Fjallabyggðar á öryggisbúnaði í skólarútu þarf að skipta um sæti. Þar sem panta þarf ný rútusæti erlendis frá er ljóst að á fyrstu vikum skólaárs verður skólabíllinn í Fjallabyggð ekki útbúinn þriggja festu öryggisbeltum. Hópferðabílar Akureyrar og Fjallabyggð munu hraða þessari framkvæmd eins og kostur er. Reiknað er með að bílsessur komi í hús í þessari viku.