Skíðasvæðið á Dalvík opnar

Umsjónarmenn Skíðasvæðisins í Böggvistaðafjalli hafa tilkynnt að fyrsti opnunardagur verði þriðjudagurinn 4. desember. Fyrstu dagana verður lyftan aðeins opin upp að þriðja staur og hægt verður að skíða á barnasvæðinu. Næstu daga verður svo snjóframleiðsla á svæðinu og mun í framhaldinu opna fleiri brekkur þegar aðstæður leyfa. Nánari upplýsingar má finna á skidalvik.is.