Tindaöxl

Skíðafélag Ólafsfjarðar býður upp á tvö námskeið í skíðagöngu fyrir börn og fullorðna í janúar.

Byrjandanámskeið fyrir börn fædd 2012 til 2017 verður 4.-6. janúar 2023. Æfingar hefjast kl. 16:30 og er áætlað að hver æfing taki um 45 mínútir. Skíðafélagið reynir eftir bestu getu að útvega börnunum skíði sem ekki eiga skíði og er það þeim að kostnaðarlausu. Þjálfarar verða Jónína Kristjánsdóttir og Kristján Hauksson. Námskeiðið kostar 5.000 kr og fer skráning fram hér….

Byrjandanámskeið fyrir 18 ára og eldri verður einnig 4.-6. janúar. Æfingar hefjast kl. 17:30 og er áætlað að hver æfing taki um 45-60 mínútur. Hægt er að leigja búnað af félaginu, taka þá fram í skráningu ef vantar búnað. Þjálfarar verða Jónína Kristjánsdóttir, Kristján Hauksson og jafnvel fleiri ef skráning verður góð. Námskeiðið kostar 8.000 kr og fer skráning fram hér….

Í næstu viku er vonast til að það verði kominn nægur snjór í Tindaöxl til að keyra af stað byrjandanámskeið í alpagreinum.