Skemmtileg skrif Sólveigar Láru sóknarprests

Sólveig Lára Guðmundsdóttir sóknarprestur á Möðruvöllum í Hörgárdal heldur úti skemmtilegum vef þar sem hún skrifar blogg.

Þann 5. maí birti hún þennan pistil:

Í gær birtist okkur alveg ný mynd af skaganum.  Við fórum í Ólafsfjörð á ferð okkar til sóknarnefndarformanna.  Formaður sóknarnefndar Ólafsfjarðarsóknar er aðstoðarskólameistari Menntaskólans á Tröllaskaga.  Þangað var áhugavert að koma.  Hún sýndi okkur skólann og þá stórkostlegu aðstöðu sem í skólanum er.  Við skoðuðum skólastofur og starfsaðstöðu fyrir fatlaða.  Við dáðumst að listaverkum sem nemendaur á listnámsbraut hafa unnið að.

Þvílíkur fengur fyrir byggðarlögin á Siglufirði, Ólafsfirði og Dalvík að hafa svo frábæran framhaldsskóla á sínu svæði.  Það eflir samfélagið allt.  Það eflir menningu og mannlíf.  Það eflir fjölskyldutengslin og atvinnulífið.  Það eflir kirkjuna og trúarlífið.  Skólinn gerir mannlífið á Tröllaskaga betra.

Meira á www.solveiglara.net