Skemmtiferðaskip á Siglufirði

Skemmtiferðaskipið National Geographic Orion er á Siglufirði í dag, en skipið var á Ísafirði í gær. Skipið stoppar frá kl. 7:00-11:30 á Siglufirði og heldur þaðan til Akureyrar og fer til Grímseyjar á sunnudag. Í áhöfn eru 75 manns og gestir um 110 en skipið er byggt árið 2003. Alls eru 53 herbergi fyrir gesti í skipinu. Skipið er í sinni fyrstu heimsókn í sumar á Siglufirði, en mun koma alls í fimm skipti.