Skagafjörður hlaut 1110 atkvæði í nafnakosningu

Fyrsti fundur nýrrar sveitarstjórnar sameinaðs sveitarfélags Skagafjarðar fór fram í vikunni. Þar var m.a. samþykkt að nafn sveitarfélagsins Skagafjarðar skuli vera Skagafjörður og hefur samþykkt sveitarstjórnar á nýju nafni nú verið send til Innviðaráðuneytis til staðfestingar.

Könnun um nafn á nýju sameinuðu sveitarfélagi (sveitarfélagsnúmer 5716) var gerð samhliða sveitarstjórnarkosningum 14. maí sl. Kosið var á milli þriggja nafna: Sveitarfélagið Skagafjörður, Skagafjörður og Hegranesþing.

Niðurstaðan var eftirfarandi:

Skagafjörður 1110
Sveitarfélagið Skagafjörður 852
Hegranesþing 76
Auðir 18
Ógildir 3

 

Heimild: skagafjordur.is