Sjöunda Barokkhátíðin á Hólum

Sjöunda Barokkhátíðin á Hólum er að hefjast og verður haldin dagana 25.-28. júní. Halla Steinunn Stefánsdóttir barokkfiðluleikari mun leiða Barokksveit Hólastiftis. Ýmislegt er í boði dagana sem hátíðin stendur yfir m.a. verður Jón Þorsteinsson með söngnámskeið  og Ingibjörg Björnsdóttir kennir barokkdans á fimmtudeginum og Pétur Halldórsson flytur erindi um skáldið Dieterich Buxtehude. Á föstudeginum verður Þórarinn Arnar Ólafsson með fyrirlestur um heilsufar og lækningar á miðöldum. Haldnir verða tvennir hádegistónleikar á föstudeginum og laugardeginum og hefjast þeir kl 12:15.  Á laugardeginum flytur Annegret Mayer-Lindenberg erindi um strengjahljóðfærið viola d´Amore sem mikið var notað á barokktímanum.  Hápunktur hátíðarinnar verður á sunnudeginum þegar Barokksveit Hólastiftis verður með hátíðartónleika í Hóladómkirkju kl. 14. Alla dagskránna má finna hér.

Aðgangur er ókeypis á alla viðburði hátíðarinnar og allir velkomnir.

untitled-7 (Large)