Sirkus á Húsavík á þriðjudaginn

Þriðjudaginn 2. júlí kemur barna- og unglingasirkusinn Cirkus Flik Flak frá Danmörku í heimsókn til Húsavíkur og heldur sýningu í Íþróttahöllinni.

Sirkusinn hefur áður komið hingað til lands og hélt sýningar í Hafnarfirði, Vestmannaeyjum, Reykjanesbæ og Mosfellsbæ árin 2003 og 2007 við góðar undirtektir.

Sýningin verður þriðjudaginn 2. júlí kl. 19.00. Allir eru hjartanlega velkomnir og er sýningin gestum að kostnaðarlausu.