Siglómótið í blaki um helgina

Hið árlega Siglómóti í blaki fer fram um helgina í Fjallabyggð. 37 lið taka þátt á mótinu, þar af 12 karlalið og 25 kvennalið og af þessum 37 liðum eru 9 heimalið. Spilað verður í báðum íþróttahúsunum en fyrstu leikir fara fram í kvöld á Siglufirði þegar fjórir leikir verða spilaðir. Síðan hefst mótið kl 08:00 á báðum íþróttahúsunum í fyrramálið en spilað verður til ca 16 á Ólafsfirði og 18:00 á Siglufirði. Það er um að gera að skella sér í íþróttahúsin um helgina og horfa á vaska sveina og fagrar meyjar spila blak af sinni alkunnu snilld.

Blakklúbbarnir Hyrnan og Súlur.