Siglfirðingar tvöfaldir Íslandsmeistarar í blaki

Blakliðin Skriður og Súlur sem leika undir merkjum Ungmennafélagsins Glóa á Siglufirði í 4. og 5. deild kvenna í blaki eru Íslandsmeistarar í sínum deildum í ár. Frábær árangur hjá báðum liðum en Súlurnar léku í 4. deild og enduðu með 37 stig, unnu 26 hrinur og töpuðu tveimur. Skriðurnar léku í 5. deild og enduðu með 35 stig, unnu 24 hrinur og töpuðu aðeins einni. Bæði liðin færast því upp um eina deild á næsta leiktímabili.