Sendiherra Bretlands heimsækir Norðurland

Nýr sendiherra Bretlands á Íslandi, dr. Bryony Mathew, er á ferðalagi um Norðausturland og átti í gær fund með Höllu Björk Reynisdóttur, forseta bæjarstjórnar Akureyrarbæjar, og Guðmundi Baldvini Guðmundssyni, formanni bæjarráðs. Frá þessu var fyrst greint á vefnum akureyri.is.

Bryony lýsti miklum áhuga á að kynnast atvinnulífi og menningu Norðurlands og var á fundinum rætt vítt og breitt um mögulegt samstarf akureyrskra og breskra fyrirtækja á ýmsum sviðum.

Bryony kom til stafa sem sendiherra á Íslandi í ágúst sl. en hefur starfað á vegum bresku utanríkisþjónustunnar víða um heim síðan 2005, til að mynda í Kína, Kambódíu og á Indlandi. Áður en hún kom til Íslands var hún aðstoðarframkvæmdastjóri sérstakrar Covid-19 verkefnastjórnar bresku utanríkisþjónustunnar.

Heimild: akureyri.is