Samfélagsverðlaun Skagafjarðar 2016

Á setningu Sæluviku Skagfirðinga 2016 var í fyrsta sinn veitt Samfélagsverðlaun Skagafjarðar. Verðlaunin verða veitt árlega þeim einstaklingi, fyrirtæki, stofnun eða félagasamtökum í Sveitarfélaginu Skagafirði sem þykja standa sig afburða vel í að efla skagfirskt samfélag.

Atvinnu-, menningar- og kynningarnefnd Skagafjarðar bárust fjölmargar og góðar tilnefningar til Samfélagsverðlauna Skagafjarðar fyrir árið 2016. Nefndin hefur samþykkt að veita Stefáni Pedersen verðlaunin að þessu sinni fyrir afar góð störf í þágu samfélagsins til áratuga.