Rekstur á kaffihúsi í Berg Menningarhúsi

Menningarfélagið Berg ses. auglýsir eftir rekstraraðila fyrir kaffihús í Menningarhúsinu Bergi á Dalvík. Umsóknarfrestur er til og með 15. september 2013.  Rekstraraðili kaffihúss hefur jafnframt séð um húsvörslu í Bergi.  Auglýst er eftir rekstraraðila fyrir kaffihúsið frá og með 1. desember 2013 eða samkvæmt samkomulagi.

Menningarhúsið Berg er staðsett í hjarta Dalvíkur. Þar er kaffihús með nýgerðu eldhúsi með grunnbúnaði til veitingareksturs, bókasafn og salur til ýmissa nota. Menningarfélagið Berg ses. sér um rekstur hússins og alla almenna dagskrá. Starfsemin í húsinu hefur verið fjölbreytt frá opnun þess s.s. tónleikar, bíósýningar, fundir, ráðstefnur og sýningar af ýmsu tagi, en náin samvinna er á milli kaffihússins, bókasafnsins og framkvæmdarstjóra Bergs um dagskrá hússins.

Æskilegt er að umsókninni fylgi hugmynd um reksturinn og framtíðarsýn ásamt rekstrarlegum forsendum.

Umsóknir, ásamt ferilskrá, berist til Írisar Daníelsdóttur framkvæmdarstjóra á netfangið berg@dalvikurbyggd.is eða í pósti á heimilisfangið: Menningarfélagið Berg ses., Ráðhúsi Dalvíkur, 620 Dalvík.
Félagið áskilur sér rétt til að hafna öllum umsóknum sem berast.

Allar frekari upplýsingar veitir Íris Daníelsdóttir framkvæmdarstjóri í síma 823-8616 eða á netfangið berg@dalvikurbyggd.is.