Regína Ósk skemmtir í sundlaug Dalvíkur

Regína Ósk mun skemmta gestum í Sundlaugarfjöri á 17. júní í Sundlaug Dalvíkur. Fjörið, sem ætlað er fólki á öllum aldri, hefst kl. 18:30. Dalvík/Reynir mun hefja saundlaugarfjörið með grillveislu þar sem hægt verður að kaupa hamborgara, pylsur, gos, tvennutilboð, fjölskyldutilboð o.fl. Athugið það verður ekki posi á staðnum.

Starfsfólk Íþróttamiðstöðvar vill sérstaklega fá fjölskyldur saman í sundlaugarfjörið.

Önnur dagskrá á 17. júní í Dalvík:

 

Kl. 08:00 Fánar dregnir að húni – allir fánar á loft!

Kl. 11:00 17. júní hlaupið fer fram á íþróttavellinum á Dalvík í umsjón frjálsíþróttadeildar UMFS. Skráning á staðnum fyrir hlaup og verðlaunaafhending að hlaupi loknu.

Kl. 12:30 Andlitsmálning í anddyri íþróttamiðstöðvar – ókeypis andlitsmálning fyrir krakka – allir verða tilbúnir fyrir fyrir skrúðgönguna og átök dagsins!

Byggðasafnið Hvoll verður opið frá kl. 11:00 – kl. 18:00. Lífsdagbók ástarskálds. Ævi og ástir Páls Ólafssonar .

Kl. 13:30 Skrúðganga leggur af stað frá Íþróttamiðstöð að Dalvíkurkirkju í fylgd Slökkviliðs Dalvíkur. Þátttakendur eru beðnir um að mæta tímanlega og taka með sér fána, veifur, lúðra og hrossabresti!

Kl. 14:00 Hátíðarstund í Dalvíkurkirkju
Ávarp fjallkonunnar
Hátíðarræða dagsins
Tónlistaratriði
Hátíðarkaffi – knattspyrnudeild UMFS selur hátíðarkaffi í safnaðarheimili Dalvíkurkirkju að lokinni hátíðarstund. Verð 13 ára og eldri 1.200 kr, börn 6 – 12 ára 500 kr. Frítt fyrir börn 0—6 ára miðast við leikskólaaldur. Kaffið stendur til kl. 17:00.

Kl. 14:30 Hestamennska – Sveinbjörn Hjörleifsson og aðstoðarmenn hans teyma hesta undir börnum við kirkju að lokinni hátíðarstund.

Kl. 14:45 Karamellurigning – Elvar Antonsson dreifir góðgæti af himni ofan í kirkjubrekkuna.
Við biðjum foreldra að gæta þess að eldri börn fari varlega og hlaupi ekki þau yngri niður í baráttu um karamellurnar – það er nóg handa öllum!

Kl. 15::00 Slökkviliðið sýnir bíla við kirkjuna.

Leiktæki í umsjón Björgunarsveitarinnar í kirkjubrekkunni. Vatnsrennibrautin góða á sínum stað, þrautabraut/hjólarallí verður á staðnum og nú bjóðum við líka upp á nýtt atriði sem er sápufótbolti. Þeir sem ætla í rennibrautina og sápuboltann mæti í fötum sem mega blotna og hjólreiðamenn á hjólum.
Kl. 18:30 — 21:00 Sundlaugarfjör í íþróttamiðstöðinni/sundlaug. Dúndrandi tónlist og fatasund fyrir þá sem vilja! Allir velkomnir – frítt inn!