Ráðinn yfirhafnarvörður í Skagafirði

Dagur Þór Baldvinsson hefur verið ráðinn í stöðu yfirhafnarvarðar í Skagafirði.  Alls sóttu sjö um starfið.  Dagur Þór er menntaður sjávarútvegsfræðingur frá Háskólanum á Akureyri.  Í dag starfar Dagur Þór hjá Háskólanum á Hólum og er umsjónarmaður fiskeldistilrauna í Verinu á Sauðárkróki, ásamt því að vera með yfirumsjón með verknámi í diplómanámi fiskeldisdeildar skólans. Hann hefur víðtæka reynslu sem sjómaður og var m.a. vinnslustjóri hjá Brim.

Yfirhafnarvörður starfar hjá Hafnarsjóði Skagafjarðar sem á og rekur tvær hafnir í Skagafirði, á Sauðárkróki og á Hofsósi. Helstu verkefni yfirhafnarvarðar eru daglegt eftirlit og stjórnun á hafnarsvæðum. Daglegt eftirlit með skipum, móttaka þeirra, skráning og afgreiðsla. Umsjón með hafnarmannvirkjum, hafnarvog og vigtun afla. Markaðssetning á höfnum í samráði við stjórn. Útskrift reikninga og skráning upplýsinga til gjaldtöku af skipum og vörum. Samskipti við Fiskistofu og aðra hagsmunaaðila.

dagur