Ráðin í starf kennsluráðgjafa í Dalvíkurbyggð

Fjóla Dögg Gunnarsdóttir hefur verið ráðin sem kennsluráðgjafi á skólaskrifstofu fræðslu- og menningarsviðs Dalvíkurbyggðar og mun taka við starfinu af Dóróþeu Reimarsdóttur. Þetta kemur fram á vef Dalvíkurbyggðar. Fjóla Dögg mun hefja störf í september.

Þann 23. júlí síðastliðinn rann út umsóknarfrestur um auglýsta stöðu kennsluráðgjafa. Umsækjendur voru tveir og voru þeir í stafrófsröð:

Anna Karen Birgisdóttir, iðjuþjálfi

Fjóla Dögg Gunnarsdóttir, deildarstjóri