Pollamót Icelandair og Þórs á Akureyri

Pollamót Þórs og Icelandair 2013, fyrir eldri knattspyrnupilta- og stúlkur, verður haldið í 26. skiptið á Þórssvæðinu á Akureyri  5. og 6. júlí næstkomandi. Mikið verður um dýrðir og flott skemmtiatriði á mótssvæðinu við Hamar bæði á föstudags- og laugardagskvöldi

Auk þess verður félagsheimilið Hamar opnað á fimmtudagskvöldinu fyrir mótsgesti  og dregið verður þar í riðla.  Leikið er á föstudag og laugardag.

Stefnt er að því að mótið verði sannkölluð fjölskylduhátíð, leiktæki verða á svæðinu fyrir börn allan tímann og á föstudagskvöldinu sem og á laugardagskvöldinu verður grillað og hægt verður að kaupa veitingar gegn vægu gjaldi.  Metnaðarfull skemmtidagskrá verður bæði kvöldin.

Ókeypis tjaldstæði eru í boði á svæðinu fyrir þátttakendur og fjölskyldur þeirra en sú nýjung verður að rukkað verður kr. 1000 fyrir rafmagn.

Keppt er í þremur flokkum karla:

  • Polladeildin er fyrir knattspyrnumenn 30 ára og eldri. –  Ef menn verða þrítugir á árinu teljast þeir gjaldgengir.
  • Lávarðadeildin er fyrir knattspyrnumenn 40 ára og eldri. –  Ef menn verða fertugir á árinu teljast þeir gjaldgengir.
  • Öðlingadeildin er fyrir knattspyrnumenn 45 ára og eldri. –  Ef menn verða fjörutíu og fimm á árinu teljast þeir gjaldgengir.

 Keppt er í tveimur flokkum kvenna:

  • 20 ára og eldri etja kappi í Skvísudeild.
  • 30 ára og eldri í Ljónynjudeild.

Pollamót