Paramót Sigló Hótels í blaki

Hið árlega Paramót Sigló Hótels í blaki fer fram föstudaginn langa (19.apríl) í íþróttahúsinu á Siglufirði. Mótið er haldið til styrktar Strandblaksvellinum á Siglufirði og er öllum opið en grunnreglurnar eru eftirfarandi:

  • Pör þurfa að skrá sig til leiks (karl og kona eða kona og kona)
  • Dregið verður í lið fyrir hverja hrinu (þrjú pör mynda lið)
  • Hver hrina er spiluð upp í 15 og nóg er að vinna með einu stigi
  • Stefnt er að því að spila 8 hrinur en fjöldi hrina fer eftir fjölda para


Vegleg verðlaun frá styrktaraðila fyrir efsta sætið og glæsilegir happdrættisvinningar dregnir út í mótslok.
Mótið hefst kl. 15:15 en hægt er að mæta í upphitun kl. 15:00, og því lýkur kl. 17:30 (gríðarlega mikilvægt að þátttakendur séu mættir tímanlega). Kostnaður er 5000.- pr. par og greiðist á mótsstað en áður en mótið hefst. Pör eru vinsamlegast beðin um að senda skráningu á mótsstjóra (oskarthor77@gmail.com eða 848-6726) sem fyrst þar sem einungis 36 pör geta tekið þátt á mótinu.
Nú er um að gera að taka frá nokkrar klukkustundir föstudaginn langa og mæta með góða skapið í íþróttahúsið, njóta góðrar samverustundar og um leið styrkja gott málefni.

Texti: Fréttatilkynning frá Blakfélagi Fjallabyggðar.