Pálshús verði upplýsingamiðstöð í Ólafsfirði

Fjallasalir ses. sem hefur staðið fyrir uppbyggingu Pálshús í Ólafsfirði ásamt Hollvinum Pálshúss, hefur óskað eftir að upplýsingamiðstöð fyrir ferðamenn í Ólafsfirði verði flutt úr Bókasafni Fjallabyggðar í Pálshús. Áætlað er að hafa safnið opið allt árið um kring, einnig um helgar þannig að þjónusta upplýsingamiðstöðvar yrði aukin auk þess sem staðsetning Pálshúss er talin heppilegri en sú sem fyrir er.

Bæjarráð Fjallabyggð hefur tekið málið til skoðunar og hyggst skoða hugsanlega kosti og galla þess að flytja upplýsingamiðstöð fyrir ferðamenn úr bókasafninu í Pálshús.

Mikil uppbygging hefur verið innan- og utandyra í Pálshúsi undanfarin ár og er áætlað að taka í notkun efrihæð hússins í lok sumars og opna þar Ólafsfjarðarstofu.

Mynd: Héðinsfjörður