Óskað eftir framboðum í Ungmennaráð Fjallabyggðar

Gísli Rúnar Gylfason íþrótta- og æskulýðsfulltrúi Fjallabyggðar heimsótti nemendur 9. og 10. bekkjar í Grunnskóla Fjallabyggðar og kynnti fyrir þeim hlutverk Ungmennaráðs Fjallabyggðar og óskaði eftir framboðum í ráðið frá nemendum.
Ungmennaráðið er ráðgefandi um málefni er tengjast ungu fólki á aldrinum 14-25 ára í Fjallabyggð og í því eiga sæti tveir fulltrúar úr 9. eða 10 bekk. Nokkrir aðilar hafa gefið kost á sér og verður kosið á milli þeirra í næstu viku.