Opið hús í Vaðlaheiði

Jarðgangamenn í Vaðlaheiði eru nú klárir fyrir gegnumslag sem verður föstudaginn 28. apríl næstkomandi. Er þetta 46 mánuðum eftir fyrstu sprengingu sem var þann 3. júlí 2013. Gestum og gangandi er boðið að koma 28. apríl milli kl. 16:00-19:00 og líta við á verkstæði Ósafls í Eyjafirði og kynna sér þær áskoranir sem jarðgangamenn hafa tekist á við. Gefst nú tækifæri að kynna sér jarðgangagerð og munu tæknimenn svara spurningum. Göngin verða um 7.5 km löng með vegskálum.