Olíu eða bensínlykt kemur úr niðurföllum í íbúðarhúsum í Fjallabyggð

Fram kemur í tilkynningu frá Fjallabyggð að borið hafi á því að það finnist olíu eða bensínlykt upp úr niðurföllum í íbúðarhúsum í Fjallabyggð síðustu daga. Þetta hefur gerst áður og orsakavaldur ekki enn fundist. Af þessu tilefni eru bæjarbúar Fjallabyggðar beðnir að gæta þess að ekki fari spilliefni í niðurföll innandyra sem utan og ef losna þarf við spilliefni þá skal afhenta þau á gámasvæðum Fjallabyggðar.