Ólafsfjarðarmúla lokað á miðnætti

Áætlað er að loka Ólafsfjarðarmúla í kvöld frá miðnætti, þriðjudaginn 29. desember vegna óveðurs.

Í kvöld og nótt gengur mjög djúp lægð yfir landið og veldur vindhraða 20-30 m/s víða á austanverðu landinu ásamt mikilli rigningu. Ferðaveður verður með versta móti víðast hvar í kvöld og nótt. Á morgun snýst í hvassa suðvestanátt, allt að 18-25 m/s á Norðurlandi með éljum eða slydduéljum og lélegu skyggni.