Boðið verður upp á gjaldfrjálst nám í málmblæstri í Tónlistarskólanum á Tröllaskaga skólaárið 2016 – 2017. Kennt er hálftíma á viku í einkakennslu, síðan þegar nemendur hafa náð smá tækni og færni á hljóðfærið, bætist við klukkutíma samæfing og svo tónfræði. Málmblásturshljóðfæri eru skilgreind sem blásturshljóðfæri gerð úr málmi með annaðhvort bolla- eða trektlöguðu munnstykki.
Við Tónlistarskólann á Tröllaskaga er hægt að læra á trompet, horn, básúnu og túbu. Nemendur geta hafið nám á aldrinum 8 – 9 ára. Það er þó að mestu háð stærð nemenda hvenær hægt er að byrja, en einnig hvaða málmablásturshljóðfæri er valið. Best er ef nemandi er búinn að fá fullorðins framtennur áður en nám hefst.