Nýtt gestakort í Skagafirði

Samþykkt hefur verið í Skagafirði að ráðast í útgáfu gestakorts sem veitir aðgang í Byggðasafn Skagfirðinga, sundlaugar sveitarfélagsins og Sögusetur íslenska hestsins að Hólum í Hjaltadal. Gerð verður tilraun með útgáfuna í sumar og tilhögun þess endurskoðuð að afloknum reynslutíma í haust. Hugmyndin hefur verið rædd og útfærð í samráði við forstöðumann Byggðasafns Skagfirðinga, sviðsstjóra fjölskyldusviðs og stjórn Söguseturs íslenska hestsins.
Samþykkt að 24 klukkustunda kort kosti kr. 1990,- og 48 klukkustunda kort kosti kr. 2890,-