Nýr yfirþjálfari yngri flokka knattspyrnudeildar Tindastóls

Barna- og unglingaráð knattspyrnudeildar Tindastóls hefur gengið frá þriggja ára samningi við Þórólf Sveinsson sem yfirþjálfara yngri flokka knattspyrnudeildar Tindastóls.

Þórólfur eða Tóti eins og hann er kallaður er með UEFA-B þjálfaramenntun og hefur starfað sem þjálfari yngri flokka frá árinu 1998. Hann hefur starfað hjá Leikni í Reykjavík, Fjölni og frá árinu 2004 hjá Þór á Akureyri. Tóti er einnig eigandi og skólastjóri Knattspyrnuakademíu Norðurlands sem hefur verið starfandi frá árinu 2014.

Aðspurður um starfið segir Tóti: „Ég er mjög spenntur fyrir þessu verkefni og mikill heiður að fá að koma í 100% starf að uppbyggingu á yngri flokka starfinu. Það eru spennandi tímar framundan hjá Tindastól og stefnum við á að bæta og gera alla umgjörð knattspyrnunnar í yngri flokkum fyrsta flokks og tengja það saman við meistaraflokka félagsins. Það er bjart yfir Skagafirði.“

Heimild: tindastoll.is