Nýr snjótroðari kominn í Tindaöxl

Skíðafélag Ólafsfjarðar hefur fest kaup á notuðum snjótroðara og er dagurinn í dag stór dagur í sögu félagsins. Skíðafélag Ólafsfjarðar greinir frá þessu á vef sínum.

Snjótroðarinn er af gerðinni Pisten Bully Edge 200 og kom til Ólafsfjarðar í morgun. Troðarinn kom frá Þýskalandi og var tekinn úr gámnum í morgun af sjálfboðaliðum Skíðafélags Ólafsfjarðar. Eftir er nokkur vinna við að setja tækið saman en auk troðarans keypti félagið einnig nýja spora fyrir skíðagöngu.
Félagið leitar eftir frjálsum framlögum til að styðja við kaupin á troðaranum. Áhugasamir geta lagt inn á reikning félagsins, 347-03-400377 kt. 591001-2720.