Fyrsti fundur nýrrar bæjarstjórnar Akureyrar var haldinn í gær. Á dagskrá voru fyrst og fremst hefðbundin fundarstörf á fyrsta bæjarstjórnarfundi, einkum kosningar í ráð og nefndir sveitarfélagsins. Samkvæmt venju var einnig lögð fram greinargerð kjörstjórnar vegna sveitarstjórnarkosninga 14. maí sl.

Heimir Örn Árnason var kjörinn forseti bæjarstjórnar Akureyrar og Halla Björk Reynisdóttir verður formaður bæjarráðs til 1. janúar 2023 en þá tekur Gunnar Líndal Sigurðsson við því embætti.

Eftirtalin voru kjörin til formennsku í fastanefndum Akureyrarbæjar:

  • Fræðslu- og lýðheilsuráð: Heimir Örn Árnason
  • Skipulagsráð: Halla Björk Reynisdóttir
  • Umhverfis- og mannvirkjaráð: Andri Teitsson
  • Velferðarráð: Hulda Elma Eysteinsdóttir