Nýnemar í Menntaskólanum á Tröllaskaga voru boðin velkomin í byrjun vikunnar en í MTR er ekki busavígsla heldur nýnemadagur sem einkennist af samveru og fjöri. Veðrið lék við nemendur þennan dag og dagskráin var hefðbundin. Fyrir hádegið var sápuboltamót í fótbolta og í hádeginu var grillveisla. Að því loknu fjölmenntu nemendur í sund.

Auk nemenda MTR var unglingastiginu í Grunnskóla Fjallabyggðar og 10. bekk Dalvíkurskóla boðið að taka þátt í deginum svo það var fjölmennt og góðmennt. Nemendafélagið Trölli skipuleggur nýnemadaginn sem er í boði skólans.

Myndir með frétt koma frá vef mtr.is, og þar má finna fleiri myndir af sápuboltanum.