Nýliðar í Slökkviliði Fjallabyggðar luku fornámi

Nýliðar í Slökkviliði Fjallabyggðar luku í gær rúmlega 20 klukkustunda fornámi slökkviliðsmanna. Síðan í vor hafa nýliðarnir æft reglulega grunntökin í starfinu, lært á tæknina og á tækjabúnaðinn. Á þessum lokadegi í fornáminu var æfð hefðbundin reykköfun en að auki tókst hópurinn á við eiturefnaköfun.
Fornámið hefur verið undir handleiðslu slökkviliðsstjóra, varaslökkviliðsstjóra og varðstjóra í liðinu.
Í framhaldinu mun svo hópurinn sækja nám hjá Brunamálaskóla Húsnæðis- og mannvirkjastofnunar en stofnunin stefnir á fyrsta námskeiðið í október.
Frá þessu var fyrst greint á vef Slökkviliðs Fjallabyggðar á samfélagsmiðlum.
Myndir með fréttinni koma frá Slökkviliði Fjallabyggðar.