Nýjar hraðamyndavélar á Akureyri með stafræna myndatöku

Í vikunni verða tvær nýjar hraðamyndavélar teknar í notkun á Hörgárbraut við hringveg í gegnum Akureyri. Vélarnar eru staðsettar við ljósastýrða gönguþverun við Stórholt. Búnaðurinn var settur upp síðastliðið vor og er nú kominn í fulla virkni.
Uppsetning vélanna er liður í umferðaröryggisáætlun stjórnvalda og er tilgangurinn sá að fækka umferðarslysum með því að draga úr ökuhraða og fækka brotum við akstri gegn rauðu ljósi á þjóðvegum. Umferðaröryggisáætlun er hluti Samgönguáætlunar.
Lögreglan á Norðurlandi eystra, Akureyrarbær og Vegagerðin annast uppsetningu og rekstur myndavélanna.
Um er að ræða stafræna myndatöku þar sem upplýsingar um hraðabrot og rauðljósaakstur eru sendar samstundis til lögreglunnar. Ekki er tekin mynd nema um brot sé að ræða.
Frá þessu var fyrst greint á vef Lögreglunnar á Norðurlandi eystra.
May be an image of road