Ný íbúðabyggð á gamla malarvellinum kynnt

Fjallabyggð stendur fyrir kynningarfundi um tillögu að deiliskipulagi malarvallarins við Túngötu og Þormóðsgötu á Siglufirði og breytingu á Aðalskipulagi Fjallabyggðar 2008-2028.  Fundurinn verður haldinn í bæjarstjórnarsal Ráðhúss Fjallabyggðar á Siglufirði þriðjudaginn 3. apríl kl. 17:00.

Kynnt verða drög að nýrri íbúðabyggð sem fyrirhuguð er á gamla malarvellinum. Í kjölfar fundarins verða tillögurnar auglýstar í samræmi við ákvæði skipulagslaga og þeir sem telja sig eiga hagsmuna að gæta gefinn kostur á að gera athugasemdir við tillögurnar.

Mynd: fjallalbyggd.is