Nemendur MTR með jólastyrktartónleika

Föstudaginn 11. desember klukkan 19:30, munu nemendur Menntaskólans á Tröllaskaga stíga á stokk og halda tónleika til styrktar Krabbameinsfélagi Akureyrar og nágrennis. Alls eru það sex nemendur í áfanga sem heitir Skapandi tónlist og meðal flytjenda eru sigurvegarar söngkeppni framhaldsskólanna 2020. Þema tónleikana verður jólasöngvar í bland við almenna gleði og klassíska smelli.

Lokaverkefnið í áfanganum er að halda tónleika og skipuleggja þá sjálf frá grunni.  Tónleikunum verður streymt á Youtube rás MTR tónlist. https://www.youtube.com/watch?v=to6q7InTXjs

Opnaður verður reikningur, sem mun sjást á skjánum, svo fólk getur lagt inn það fjármagn sem það vill til styrktar félaginu.

Flytjendur eru:

Amalía Þórarinsdóttir – Söngur.
Helena Reykjalín Jónsdóttir – Söngur.
Hörður Ingi Kristjánsson – Píanó og Hljómborð.
Júlíus Þorvaldsson – Gítar og Söngur.
Mikael Sigurðsson – Bassi.
Tryggvi Þorvaldsson – Gítar og Söngur.
Kristján Már Kristjánsson – Trommur.

Fyrir frekari upplýsingar er hægt að hafa samband við Tryggva Þorvaldsson í síma 896-2424 eða í tölvupósti Tryggvi2750@gmail.com