Myndlistarsýningin Stórval í 110 ár í Hofi

Á myndlistarsýningunni Stórval í 110 ár í Hofi eru til sýnis verk eftir listamanninn Stefán V. Jónsson, betur þekktum undir listamannsnafni hans, Stórval.  Sýningin er haldin í tilefni þess að þann 24. júní síðastliðinn voru 110 ár liðin frá fæðingu þessa sérstaka listamanns. Verkin á sýningunni eru flest í eigu afkomenda Stefáns sem jafnframt eru aðstandendur sýningarinnar.

Stefán V. Jónsson var einstakur maður. Í myndlistinni er hann þekktur fyrir sérstakan og naívískan stíl og uppáhalds viðfangsefnið hans var fjallið Herðubreið.  Sýningin, sem er hluti af Listasumri á Akureyri, er haldin af Tinnu Stefánsdóttur langafabarni Stefáns í samstarfi við Menningarfélag Akureyrar og er styrkt af Menningarsjóði Akureyrar.

Menningarfélag Akureyrar býður uppá leiðsögn um sýninguna „Stórval í 110 ár“mánudaginn 2. júlí og mánudaginn 16. júlí kl. 12:00.

Sýningin stendur yfir til 25. ágúst og er opin alla daga í sumar.