Myndlistarkennara vantar á Menntaskólann á Tröllaskaga

Menntaskólinn á Tröllaskaga auglýsir eftir myndlistarkennara í 75% starf, möguleiki er á að auka starfshlutfall með öðum störfum svo sem umsjón með sýningahaldi skólans og fleira. Umsóknir þurfa að berast í síðasta lagi 22. júní 2013.

Hefð er fyrir stórum listsýningum á hverri önn í skólanum og öðrum sýningum í sýningarsölum í nágrenninu. Yfir 20% af nemendum skólans eru á listabraut og allir nemendur taka að minnsta kosti einn áfanga í listum. Í Ólafsfirði og á Siglufirði kemur mikið af erlendum listamönnum í Listhúsið og Herhúsið ásamt þeim listamönnum sem búa á svæðinu þannig að samfélagið er gott fyrir listamenn.

Í umsókn skal gera grein fyrir menntun og fyrri störfum og er krafist kennsluréttinda á framhaldsskólastigi og menntunar í sérgreinum þar sem við á.

Laun greiðast samkvæmt stofnanasamningi skólans við KÍ.

Umsóknir með ítarlegum upplýsingum um menntun og fyrri störf skulu berast Láru Stefánsdóttur skólameistara í netfangið lara@mtr.is.

Einnig er hægt að senda umsóknir í pósti: Menntaskólinn á Tröllaskaga, v/Ægisgötu, 625 Ólafsfjörður. Öllum umsóknum verður svarað þegar ákvörðun um ráðningu hefur verið tekin. Nánari upplýsingar veitir skólameistari í netfanginu lara@mtr.is sími 460-4240.

Nánar á starfatorg.is