Aðsóknarmet var sett á föstudaginn á Handverkshátíðinni í Eyjafjarðarsveit en aldrei hafa fleiri gestir sótt sýninguna á fyrsta sýningardegi. Mikill fjöldi gesta var á sýningunni alla helgina og lauk dagskrá laugardagsins með grillveislu, skemmtidagskrá og verðlaunaafhendingu. Hátíðinni lauk svo í dag. Myndir af hátíðinni má sjá hér.
Verðlaunahafar 2013
- Handverksmaður Handverkshátíðar 2013: Grétar Þór Pálsson.
- Hönnunarverðlaun Handverkshátíðar 2013: HALLDORA – Halldóra Eydís Jónsdóttir.
- Sölubás ársins 2013: Bás Einars Gíslasonar.
- Heiðursverðlaun Handverkshátíðarinnar 2013: Heimilisiðnaðarfélagið.
- Best prýddi póstkassi Eyjafjarðarsveitar 2013: Póstkassinn á Hvassafelli.
Valnefnd skipuðu: Brynhildur Pétursdóttir, innanhúshönnuður og þingmaður, Samúel Jóhannsson, myndlistamaður, Oddrún Magnúsdóttir, skartgripasmiður, Ragnheiður Þórsdóttir, vefari, myndlistamaður og textílkennari og Ívar Ragnarsson, byggingafræðingur.
