Menntaskólinn á Akureyri á fjölmörg listaverk en flest eru þau innan veggja skólans en einnig eru nokkur útilistaverk. Einnig er hægt að skoða verkin á Listaverkavef MA.

Stefán Jónsson myndlistamaður og kennari hóf að skrásetja listmuni Menntaskólans um 1990 að beiðni Tryggva Gíslasonar skólameistara. Tryggvi hélt áfram skráningu eftir að hann lauk starfi sínu sem skólameistari skömmu eftir aldamót. Sverrir Páll Erlendsson tók upp þráðinn á árunum 2016-2018 og auk þess að auka við skrána útbjó hann merkispjöld og merkti þau verk sem á veggjum hanga, svipað og gert er á öðrum listasöfnum. Nokkur af lisaverkum skólans eru í geymslu og ekki haft til sýnis, nema á vefnum.