Menningarsjóður Akureyrarbæjar styrkir ungt listafólk

Stjórn Akureyrarstofu hefur samþykkt að í ár verði úthlutað 1-2 styrkjum úr Menningarsjóði Akureyrarbæjar til ungs og efnilegs listafólks á aldrinum 18- 25 ára sem er í framhaldsnámi eða á leið í framhaldsnám í sinni grein. Upphæð hvers styrks verði kr. 600.000. Markmiðið er aðviðkomandi geti dregið úr sumarvinnu með námi og þess í stað lagt stund á list sína bæði með æfingum og viðburðum.  Á mótistyrknum mun viðkomandi koma fram á viðburðum á sumarhátíðum bæjarins, allt eftir nánara samkomulagi við Akureyrarstofu hverju sinni.

Einnig hefur verið samþykkt að auglýst verði eftir umsóknum um tvo sérstaka styrki sem geta verið allt að 600 þús. hvor sem ætlaðir eru til stærri verkefna í tengslum við Jónsmessuhátíð, Listasumar eða Akureyrarvöku.