Með fullri reisn verður sýnd í Iðnó

Leikfélag Hörgdæla tók hina geysivinsælu sýningu „Með fullri reisn“ aftur til sýninga nú í haust og hefur verið gríðarmikil aðsókn og er uppselt á allar sýningar sem fyrirhugaðar eru á Melum. Sýningin var vinsælasta sýning landsins í áhugaleikhúsi.

Síðan ætla leikfélagsmenn að halda í leikferð til Reykjavíkur. Verður leikritið sýnt á fjórum sýningum í Iðnó dagana 11. og 12. nóvember. Aðeins eru örfáir miðar eftir á þær sýningar og má finna þá á midi.is.

Það stefnir í að heildarfjöldi áhorfenda verði vel yfir 4.000 á 44 sýningum. Þannig telst sýningin vera í hópi vinsælustu sýninga sem settar hafa verið upp hjá áhugaleikfélögum hérlendis frá upphafi.

Næstu sýningar verða 3. -5. nóvember kl. 20:30 í Leikhúsinu Melum.  Pöntunarsími er 823 6659 milli kl. 15-17 og 821 9659 milli kl. 16-19.