Landstólpinn Samfélagsviðurkenning Byggðastofnunar er viðurkenning sem Byggðastofnun veitir árlega á ársfundi sínum. Viðurkenningin er hvatning, því hugmyndin að baki er að efla skapandi hugsun og bjartsýni.
Landstólpinn er veittur einstaklingi, fyrirtæki eða hóp/verkefni á vegum fyrirtækis eða einstaklinga, fyrir framtak sem vakið hefur athygli á byggðamálum, landsbyggðinni í heild, eða einhverju tilteknu byggðarlagi og þannig aukið veg viðkomandi samfélags.
Byggðastofnun lýsir nú eftir tillögum um handhafa Landstólpans 2018. Dómnefnd velur úr þeim tillögum sem berast.
Hafa má í huga hvort viðkomandi hafi:
- gefið jákvæða mynd af landsbyggðinni eða viðkomandi svæði
- aukið virkni íbúa eða fengið þá til beinnar þátttöku í verkefninu
- orðið til þess að fleiri verkefni/ný starfsemi verði til
- dregið að gesti með verkefni eða umfjöllun sinni
Ekki er nauðsynlegt að öllum þessum atriðum sé fylgt eftir, heldur séu þau höfð til hliðsjónar. Nauðsynlegt er að rökstuðningur fylgi tilnefningunni.
Viðurkenningunni fylgir listmunur hannaður af íslenskum listamanni.
Tillögur sendist á netfangið: landstolpinn@byggdastofnun.is
Nánari upplýsingar gefur Anna Lea Gestsdóttir, s. 4555400.
Frestur til að til að koma tillögum til skila rennur út miðvikudaginn 28. febrúar 2018.
Fyrri handhafa Landstólpans eru:
- 2011: Jón Jónsson þjóðfræðingur og menningarfulltrúi á Ströndum
- 2012: Örlygur Kristfinnsson frumkvöðull á Siglufirði
- 2013: Þórður Tómasson safnvörður á Skógum
- 2014: Fyrirtækið Norðursigling á Húsavík
- 2015: Vilborg Arnarsdóttir frá Súðavík
- 2016: Sönghópurinn Álftagerðisbræður ásamt stjórnanda sínum Stefáni R. Gíslasyni
- 2017: Hörður Davíðsson athafnarmaður í Efri-Vík í Skaftárhreppi